Վերելք Օլիմպոս լեռ

Ինչպես մյուս շրջագայությունների ժամանակ, այս անգամ ևս առաջին օրվա մեծ մասը անցկացնելու ենք ճանապարհներին։ Երկու թռիչքից հետո կհասնենք Հունաստանի Սալոնիկ քաղաք, որը Հունաստանի երկրորդ ամենախոշոր քաղաքն է և Հյուսիսային Հունաստանի մայրաքաղաքը։ Այն գտնվում է Թերմայիկոս ծովածոցի ափին և ունի հարուստ պատմություն, մշակույթ և տնտեսություն։ Քաղաքն անվանվել է Ալեքսանդր Մակեդոնացու քույր՝ Թեսալոնիկեի անունով։ Հյուրանոցում տեղավորվելուց, իրերը դասավորելուց հետո կսկսենք քաղաքի ծանոթությունը։ Այս օրերի ընթացքում կտեսնենք քաղաքի խորհրդանիշ հանդիսացող Սպիտակ Աշտարակը, Սալոնիկի հռոմեական ֆորումը, Ագիա Սոֆիա տաճարը, կշրջենք Արիստոտելի հրապարակում և այլն։ Մշակութային օրը կամփոփենք քաղաքի սրտում գտնվող ռեստորաններից մեկում ընթրելով։

Գիշերակացը հյուրանոցում

Օլիմպոս լեռան վերելքի համար նախատեսված է 2 օր։ Չնայած նրան, որ լեռան բարձրությունը 2918 մետր է, պետք է հաշվի առնել այն փաստը, որ հարաբերական բարձրությունը մոտ 2400 մետր է։ Առաջին օրը ուղղություն կվերցնենք դեպի Ագապիտոս ճամբար, որը տեղակայված է 2100 մետր բարձրության վրա, և որը հանդիսանում է վերելքի բազային ճամբարը։ Առաջին օրը ճամբարի կացարանում գիշերելուց հետո, հաջորդ օրը վաղ առավոտյան կարթնանանք և կսկսենք վերելքը դեպի օլիմպիական աստվածների տուն՝ Օլիմպոս լեռան ամենաբարձր գագաթը՝ Միտիկաս։ Վստահեցնում ենք, վերելքից հետո ունենալու եք անմոռանալի հիշողություններ և տպավորություններ, որոնք կմնան ձեր մտքում երկար ժամանակ։ Վերելքից հետո կիջնենք բազային ճամբար, կճաշենք, կիջնենք և ուղղություն կվերցնենք ծովափնյա հյուրանոց։

Գիշերակացը կացարանում, հյուրանոցում

Շրջագայությունը լիարժեք դարձնելու համար մեզ մնում է այս օրերը լցնել պատմական վայրերով, տեսնել հին Մակեդոնիայի մայրաքաղաքը, Ալեքսանդր Մակեդոնացու ծննդավայր Պելլան, բազմամշակութային հուշարձանները և հնագիտական գտածոները։ Կայցելենք նաև Սալոնիկի հնագիտական թանգարան, որտեղ պահպանում են Մակեդոնիայի հնագույն պատմության արժեքավոր գտածոներ։ Այս ամենից հետո մեզ մնում է հանգիստն ամփոփել հունական լողափում։

Գիշերակացերը հյուրանոցում

Հունաստանի հյուսիսում գտնվող երկրի երկրորդ ամենամեծ քաղաքը տեսնելուց հետո, ամենաբարձր գագաթը բարձրանալուց հետո, պատմական քաղաքներին, Մակեդոնիա տարածաշրջանին ծանոթանալուց և ծովափում հանգստանալուց հետո մեզ մնում է հիշողություններով լի ճամպրուկով վերադառնալ հայրենիք։