Ինչպես ընտրել արշավային զանգապաններ

Գործվածքի տարբերությունը

Ժամանակակից բոլոր զանգապանները պատրաստված են ամուր սինթետիկ գործվածքներից: Հիմնական տարբերությունն այն է, թե արդյոք նյութի ներսը պատված է անջրաթափանց նյութով, թե ոչ: Յուրաքանչյուր տարբերակ ունի իր առավելությունները: Անջրաթափանց գործվածքից պատրաստված զանգապանները լավ են պաշտպանում ձեր ոտքերը անձրևի ժամանակ, ձյան մեջ, թաց խոտով կամ ցեխոտ ճանապարհներով քայլելիս: Միևնույն ժամանակ, հասարակ զանգապանները տաք արևոտ եղանակին քայլելիս ոտքերը ավելի քիչ են քրտնեցնում:

Ինչին ուշադրություն դարձնել արշավային զանգապաններ գնելիս

«Ամրակ»

Առաջին բանը, որ մաշվում է ցանկացած զանգապաններում ամրակն է, հատվածը, որը անցնում է կոշիկի տակով: Կախված այն նյութից, որից այն պատրաստվել է և այն մակերեսից, որով դուք քայլելու եք, այն վաղ թե ուշ մաշվելու է: Բայց հաճախ դա տեղի է ունենում շատ ավելի վաղ, քան հենց զանգապանների վրա ի հայտ են գալիս մաշվածության առաջին նշանները: Այնպես որ, եթե դուք պլանավորում եք բավականին ինտենսիվորեն օգտագործել զանգապանները, ընտրեք այն մոդելները, որտեղ ամրակը ամուր կարված չէ ու նախատեսված է դրա փոխարինման հնարավորությունը:

Ճարմանդ

Արշավային զանգապանների մեծ մասի վրա ճարմանդների փոխարեն օգտագործում է լայն կպչուն ժապավեն՝ առավել հուսալի և ժամանակի ընթացքում փորձարկված տարբերակ: Բայց ավելի թեթև մոդելների բարակ գործվածքները ձգելու հարմարավետության համար հաճախ է օգտագործվում շղթա (հագուստի): Ինչպես փորձը ցույց է տվել, արշավների ժամանակ, շղթան հաճախ փչանում են: Այսպիսով, եթե զանգապանների մաշվածությունը կարող է լուրջ տհաճություն դառնալ ձեզ համար, ապա ընտրեք մոդելներ, որտեղ շղթան փոխարինված է բարակ կպչուն ժապավենով:

Արշավային զանգապանների չափսը

Զբոսաշրջային զանգապանները վաճառվում են S, M, L չափսերով: Դրանք գնելիս ցանկալի է չափել այն կոշիկների վրա, որոնցով կկրեք զանգապանները (կամ գոնե ցուցափեղկից վերցված նույն չափի կոշիկների վրա): Ամենակարևորն այն է, որ զանգապանների ներքևի հատվածը ամուր կպչի կոշիկի մակերեսին՝ չթողնելով ոչ մի անցք: Հատկապես կրունկի հատվածում, քանի որ դեպի ներքև իջնելիս՝ ձյունը կամ փոքր քարերը հաճախ լցվում են այդտեղ, եթե  զանգապանները չափից մեծ են: Եթե պլանավորում եք կեռեր օգտագործել, ապա խորհուրդ է տրվում ընտրել զանգապաններ, որոնք հնարավորինս ամուր կգրկեն ձեր ոտքերը՝ առանց փքվածքների կամ ծալքերի առաջացման: Դրանով դուք նվազեցնում եք պատահաբար կեռերի ծայրով զանգապանը վնասելու հավանականությունը: