Մաչու Պիկչու

Ինչպես մեր մյուս շրջագայությունների ընթացքում, այս անգամ էլ առաջին օրվա մեծ հատվածը անցնելու է ճանապարհին։ Երկու թռիչքից հետո կհասնենք Պերուի մայրաքաղաք Լիմա՝ քաղաք, որը հիմնադրել իսպանացի կոնկիստադոր Ֆրանցիսկո Պիսառոն 1535 թվականին և անվանել Ciudad de los Reyes՝ «Արքաների քաղաք»։ Հյուրանոցում տեղավորվելուց, իրերը դասավորելուց հետո կսկսենք քաղաքի ծանոթությունը։ Մշակութային օրը կամփոփենք քաղաքի սրտում գտնվող ռեստորաններից մեկում ընթրելով։

Գիշերակացը հյուրանոցում

Ինքնաթիռը ժամանում է Պերուի հարավ-արևմուտքում գտնվող Կուսկո քաղաք, որն իր ժամանակին եղել է հզոր Ինկա կայսրության մայրաքաղաքը։ Օդանավակայանից մոտ 15–20 րոպեում կհասնենք հյուրանոց, որտեղ հնարավորություն կունենանք հանգստանալու երկար թռիչքից հետո։ Հանգստից հետո, կմեկնարկենք քաղաքի հետ առաջին ծանոթությունը։ Կուսկոյի նեղ ու քարքարոտ փողոցները, ինկյան ճարտարապետության յուրահատուկ համադրությունը, փոքրիկ հրապարակները և ցածր քարե շենքերը քաղաքին տալիս են իսկական պատմական շունչ։ Քաղաքի կենտրոնում հաճախ կարելի է հանդիպել ավանդական հանդերձանքով տեղացիների ձեռագործ հուշանվերներ վաճառելիս, իսկ ամեն քայլափոխի բացվում են գունեղ տեսարաններ, որոնք անմիջապես փոխանցում են Պերուի մշակութային հոգին։ Քաղաքին ծանոթությունը միաժամանակ թույլ է տալիս հարմարվել Կուսկոյի բարձրությանը (շուրջ 3500 մ ծովի մակարդակից), ինչը շատ կարևոր է հաջորդ օրերի պլաններն իրականացնելու համար։

Գիշերակացը Կուսկո քաղաքում

Արկածային օրը սկսված է։ Առավոտյան ժամը 08։30-ին ուղղություն կվերցնենք դեպի Չինչերո գունեղ քաղաք, որտեղ կտեսնենք Ինկերի պատերի շինությունները և նրա փոքրիկ եկեղեցու գաղութը, որի պատմությունը կզարմացնի ձեզ: Տեղում կտեսնենք նաև Անդյան գործվածքների մշակմանը տեքստիլի գործարանը, որտեղ Չինչերո քաղաքի ներկայացուցիչները մեզ ցույց կտան իրենց նախնիների արվեստը: Դրանից հետո կշարունակենք մեր արկածը դեպի Մորեյի մշակության հայտնի շրջանաձև տեռասները: Շարունակելով մեր ճանապարհորդությունը՝ կիջնենք դեպի Մարասի Աղի հանքերը (գեղատեսիլ վայր՝ տպավորիչ բնապատկերներով): Վերջապես, մենք կգնանք Օլլանտայտամբոյի երկաթուղային կայարան՝ գնացքով շարունակելու ճանապարհը։ Գնացքը մեզ կտանի դեպի Ագուաս Կալիենտես (Մաչու Պիկչուին ամենամոտ քաղաքը):

Գիշերակացը Ագուաս Կալիենտեսում

Այս օրը վստահաբար կլինի Ձեր կյանքի լավագույն օրերից մեկը, քանի որ մեզ սպասում է աշխարհի յոթ նոր հրաշալիքներից մեկը՝ Մաչու Պիկչուն։ Ագուաս Կալիենտեսից դեպի այս միստիկ հնավայրը կուղևորվենք ավտոբուսով՝ բարձրանալով արևադարձային անտառներով շրջապատված լեռնային ճանապարհով։ Մաչու Պիկչու հասնելուն պես, անձնագրերով գրանցվելուց հետո, էքսկուրսավարի ուղեկցությամբ մոտ երկու ժամ կշրջենք Ինկերի հզոր միջնաբերդում։ Մենք կանցնենք պատմական շենքերի, տաճարների, սրբավայրերի և դիտակետերի միջով՝ լսելով դրանց պատմությունն ու գաղտնիքները։ Մաչու Պիկչուն միայն հին քաղաք չէ․ այն բացառիկ էներգիայով և խորհրդավորությամբ լեցուն տարածք է, որտեղ թվում է՝ ժամանակը կանգ է առնում։ Կվայելենք քաղաքի ամբողջ շքեղությունը՝ աչքով արկածը տեսնելով, իսկ տեսախցիկով ֆիքսելով ամենաանմոռանալի տեսարանները՝ Անդերի կախարդական լեռները, քարաշեն տեռասները և անվերջանալի հորիզոնը։ Այցելությունից հետո կվերադառնանք Ագուաս Կալիենտես՝ համեղ լանչ վայելելու։ Կեսօրից հետո մեզ սպասում է հանգիստ ու հարմարավետ երթուղի՝ նախ գնացքով դեպի Օլլանտայտամբո, այնուհետև տեղափոխություն դեպի Կուսկո, որտեղ և կավարտենք օրը։

Գիշերակացը հյուրանոցում

Այսօրվա օրը կսկսվի վաղ առավոտյան։ Հյուրանոցից մոտ երկու ժամ ճանապարհ անցնելուց հետո կհասնենք Մոլլեպատա քաղաք, որը հայտնի է իր բարձր լեռնային դիրքով և ավանդական Կեչուա մշակույթով։ Այստեղ կվայելենք համեղ նախաճաշ, կհանդիպենք տեղացիներին ու կզգանք իրական, բնիկ կյանքի ռիթմը։ Այնուհետև տրանսպորտով կշարունակենք դեպի Սորայպամպա՝ քայլարշավի մեկնարկային կետը, որտեղից սկսվում է երթուղին դեպի Հումանտայ լիճ։ Մոտ երկու ժամ տևողությամբ քայլարշավի ընթացքում կանցնենք Անդերի բարձր լեռնային լանդշաֆտներով, կտեսնենք եզակի բուսականություն, կհանդիպենք տարբերվող թռչունների։ Քայլարշավի նպատակակետը՝ Հումանտայ լիճը, առավել հայտնի է նաև «Զմրուխտե լիճ» անունով՝ իր  փիրուզագույն ու աննկարագրելի տեսարանների պատճառով։ Լճի շրջակայքում առկա են Ինկերի հին ջրանցքներ և տեռասներ, որոնք պատմական կարևորություն ունեն գյուղատնտեսական ոլորտում։ Այստեղ կհանգստանանք, կունենանք ազատ ժամանակ լողալու կամ լուսանկարներ անելու համար։

Գիշերակացը հյուրանոցում

Վաղ առավոտյան կսկսենք արկածային շրջագայությունը։ Ուղղություն կվերցնենք դեպի հարավ։ Մոտ երկու ժամ ճանապարհ անցնելուց հետո կհասնենք Կուսիպատա քաղաք, որտեղ կվայելենք համեղ նախաճաշ։ Նախաճաշից հետո՝ ընդամենը 45 րոպե ճանապարհ անցնելով, կհասնենք Պուլավասիպատա, որը հանդիսանում է քայլարշավի մեկնարկային կետը։ Ճանապարհին կտեսնենք աներևակայելի գեղեցիկ բնապատկերներ, ձորեր, սառցադաշտեր, ինչպես նաև լամաներ ու ալպակա ուղտերի խմբեր, որոնք բնությանը յուրահատուկ շունչ են տալիս։ Մոտ երկու ժամ տևողությամբ քայլարշավից հետո կհասնենք Ծիածան լեռ (Վինիկունկա կամ Գույների լեռ), որի բարձրությունը կազմում է 5200 մետր։ Այս բարձրությունը գրեթե համարժեք է Էվերեստի բազային ճամբարի բարձրությանը, ինչը նշանակում է, որ որոշակի ֆիզիկական պատրաստվածություն է պահանջվում։ Լեռան գունեղ շերտերը և քարերի բնական երանգները ստեղծում են իրական ծիածանի տեսարաններ, որոնք անհրաժեշտ է ֆիքսել տեսախցիկով։ Այստեղ կվայելենք բնության համադրությունը՝ լեռները, անթիվ գունավոր հարթություններն ու վեհաշուք տեսարանները։ Արշավից հետո կվերադառնանք դեպի Կուսիպատա՝ ճանապարհին տեսնելով Կուսկոյի ամենաբարձր գագաթը՝ Աուսանգեյթ լեռը (6384 մետր), որը հանդիսանում է սուրբ լեռ տեղացիների համար. ըստ Անդերի առասպելների, լեռը պաշտպանում է շրջակայքը և հանդիսանում է ջրի հիմնական աղբյուր։ Կուսիպատայում կճաշենք, այնուհետև կվերադառնանք Կուսկո, որտեղ կավարտենք օրը։

Գիշերակացը հուրանոցում

Հասնել Պերու և չտեսնել Խաղաղ օվկիանոսը՝ անարդար է․ ուստի այս օրը կանցկացնենք Լիմայում, օվկիանոսի ափին։ Լիման Պերուի ամենամեծ քաղաքն է՝ մոտ 10 միլիոն բնակչությամբ, և հանդիսանում է երկրի տնտեսական, մշակութային և զբոսաշրջային կենտրոնը։ Քաղաքի ափամերձ հատվածներում՝ Միրաֆլորես և Բարանկիլյա շրջաններում, կան հիանալի զբոսայգիներ, լողափեր, սրճարաններ և թանգարաններ։ Լիման հայտնի է նաև համեղ ծովախեցգետնով, ավանդական ուտեստներով և ծովամթերքով հարուստ խոհանոցով, որի շնորհիվ քաղաքը համարվում է Լատինական Ամերիկայի գաստրոնոմիական մայրաքաղաքներից մեկը։ Օրվա ընթացքում հնարավորություն կունենանք վայելել Խաղաղ օվկիանոսի տեսարանը, լուսանկարել ալիքները, շրջել ափամերձ զբոսուղիներով և ժամանակ անցկացնել քաղաքի սրճարաններում։ 

Գիշերակացը հյուրանոցում

Ճիշտ է՝ թռիչքը երկար է, սակայն այն մեզ հնարավորություն կտա վերապրել շրջագայության ընթացքում տեսածն ու զգացածը, դասավորել հիշողությունները և պարզապես վայելել հանգիստ ժամանակը վերադարձի ճանապարհին։